Kind im Wald

Lieder der Wurzelzwerge

Begrüssungslied

Mier gönd hüt in Wald go spile
säged hoi und tschau, bis bald
händ de Z'nüni und de Z'mittag mit debii
und gueti Chleider halt

Mier gönd hüt in Wald go spile
Wurzelzwerge Schritt für Schritt
jedes Wätter isch ois rächt, was finde mer ächt
was es hüt zum Spile git

Wald begrüssen

Guete morge liebe Wald, jetzt chömed mir bald
zu dir chömed mir (2x)
Guete morge liebi Bäum, wached uf us eue Träum
zu dir chömed mir (2x)
Guete morge lieb Tier, bi eu si das wän mir
zu dir chömed mir

Quelle: Marius Tschirky, Lieder-CD

Hände waschen

Händli wäsche, Händli wäsche
chömmed gschwind.. alli Chind
es git bald Z'mittag es git bald Z'mittag
chömmed gschwind alli Chind..
Händli muänd doch suber sii .. für alli gross und chli.

Mittags Lied

Brum, brum, brum,
brum, brum, brum,
lös was chönt das sie......

Brum, brum, brum,
brum, brum, brum,
chunt ächt en Bär verbi?

Nei, das chan nöd stimme,
das Brume isch da inne,
fascht hät ich's vergässe,
s'isch Zyt zum Zmittag ässe.

Abschied

Adieu, adieu du liebe Wald
Du häsch ois spile laa
Doch jetzt isch Ziit zum Heime gaa
Mier wärded wider choo

Adieu, adieu, adieu du liebe Wald
Adieu, adieu, adieu ihr liebe Chind

Quelle: Marius Tschirky, Lieder-CD

Verse der Wurzelzwerge

Loslaufen

Mit em Rucksack uf em Rugge gömmer hüt i'd Waldspielgruppe
Will eus das eso guet gfallt Ränned mer wie en Wurzelzwerg oder
Schliiched
mer wie en Fuchs oder Chrüüched mer wien en Schnägg usw. dur de Wald.
Ufiderseh bis bald

Wänns Hudlet..

Hüt hudlets dusse und isch chalt,
doch mir gönd einewäg in Wald.
Mir sind halt bsunders zwägi Lüüt
eus macht so Hudelwätter nüüt.


Fingervers Regen

Die fuef Finger a minere Hand, gönd i d'Waldspielgruppe mitenand.
Dä leit d'Rägejagge a, mit de gääle Kaputze dra.
Dä rueft en Schnägg, en Schnägg, chömed go luege, suscht chrücht er wäg!
Dä freut sich a de glänzige Stei, am liebscht nämt er grad alli mit hei.
De Viert, dä freut sich dadra, dass de Wald wieder emol
z'Drinke (bim Räge); viel Liecht (bi Sunne) dörf ha.
Dä Chlinscht, dä gumped ine grossi Pfütze und tuet debie grad alli
aasprütze.

Beweguns- Wärme-Lied

Das isch de Zwerg Zipfelmütz mit sinere lange Nasespitz
mit em Bärtli weiss wie Schnee
de cha gumpe hei ju hee de cha gupe hei ju he


Zum Farbenkreis

Lueget emol die Farbe aa
die macht de Herbscht de gueti Maa
Er het eus allerlei parad
und wer guet lueget gseet das grad
Jetzt chömrd alli Chinde
mir wänd de Summer Herbst go finde

usw.